පාඩම 04- FOREX වෙළදපල තුල ගණුදෙනු කරන මූල්‍ය යුගල හදුනා ගනිමු.

අභිමතාර්ථ:

මෙම පාඩම අවසානයේදී ඔබට,

• මූල්‍ය යුගලයන් (currency pair) සහ මූල්‍ය අනුපාතයන් හදුනාගත හැකි වෙනවා.
• Major pairsසහ Minor pairs හදුනාගත හැකි වෙනවා.
• යුගලයක තිබෙන base currency සහ counter currency මොනවාද යන්න හදුනාගත හැකියි.
• Buy order සහ sell order මොනවාද යන්න මූලිකව හදුනා ගන්න පුළුවන්.

මූල්‍ය යුගලයන් (currency pair):

හොදයි වම් පසින් ඔබට පෙනෙන්නෙ FOREX වෙළද පල තුල ඔබට ගණුදෙනු කිරීම සදහා තිබෙන මූල්‍ය යුගලයි. ඔබ තෝරාගන්නා තැරැව්කාර සමාගම මත ඔවුන් ඔබට ලබා දෙන මෙම මූළ්‍ය යුගල සංඛ්‍යාව වෙනස් වෙන්න පුලුවන්. මම භාවිතා කරන්නෙ ඉන්දියාවේ nord forex ආයතනයයි. එම ආයතනය මට මූල්‍ය යුගලයන් 20 ක් දී තිබෙනවා. නමුත් මම ඉන් භාවිතා කරන්නෙ යුගල තුනක් වැනි සංඛ්‍යාවක්. 20ක් ලබා දන්නාය කියා ඒ සෑම යුගලයක් සම්බන්දව ගණුදෙනු කිරීමට යාම විශාල අවදානමක් ඇති කරන්න පුළුවන්. ඒ නිසා හොදින් අධ්‍යනය කල currency pair එකක් හෝ දෙකක් සමග පමණක් ගණුදෙනු කිරීම ඥාණවන්ත කමක් වෙනවා.

ඒ වගේම ඒ ඒ මූල්‍ය යුගලයන් වල විකුණුම් සහ ඉල්ලුම් මිල අතර අනුපාතයන් (Bid සහ Ask prices) දර්ශණය වෙනවා. රූපයේ දැක්වෙන්නෙ Nord Forex ආයතනය තිබෙන ගෝලීය කන්ඩාංකයේ GMT (Greenwich Mean Time) වෙලාවේ එනම් පාන්දර 04:31:56 අවස්ථාවේ දී (ලංකාවේ වෙලාවෙන් පාන්දර 09:01:56 ට පැය +04:30 ක වෙනසක් තිබෙනවා) ඉල්ලුම සහ සැපයුම අතර තිබූ මුල්‍ය අනුපාතයි.

ඇයි මේ currency යුගලයක් අවශ්‍ය වෙන්නෙ? අපි හිතමු ඔබට සීනි 1kg එකක් ගන්න රුපියල් 100 ක් අවශ්‍ය වෙනවා කියලා. එතනත් දැන් යුගලයක් තිබෙනවානෙ සීනි සහ රුපියල් යන යුගලය. සීනි 1kg එක රුපියල් 110වනහොත් ගත්තු සීනි 1kg එක 110 විකුනලා රුපියල් 10ක ලාබයක් ගන්නවා. ඒ කියන්නෙ යමක් ගන්න මුදල් අවශ්‍ය වෙනවා. ඉතින් දැන් EURUSD pair එක ගන්නකො. EUR යන currency එක ගන්න USD යන currency එක අවශ්‍ය වෙනවා. USD යන currency එක මිල දී ගන්න EUR යන currency එක අවශ්‍ය වෙනවා. ඒ නිසා තමයි currency pairs අවශ්‍ය වෙන්නෙ.

Major සහ Minor Pairs:

මෙම යුගලයන් ප්‍රධාන කොටස් දෙකකට බෙදනවා. ඒවා major pair සහ miner pair ලෙස හදුන්වනවා. Major pairs කියල කියන්නෙ ඩොලර් (USD) අයත්වන යුගල වලටයි. ඒ අනූව GBPUSD, EURUSD, USDJPY, USDCAD, AUDUSD, NZDUSD යන යුගල major pairs වෙනවා.

අනෙක් සියලුම යුගලයන් miner pairs වෙනවා. FOREX තුල ඉන්නා බහුතර ගැණුදෙනු කරුවන් major pairs සමග බහුලව ගණුදෙනු කරන්න කැමතියි. ඒකට හේතව තමයි FOREX තුල USD වලට ඉහල ඉල්ලුමක් තියෙන නිසා.

Base currency සහ Counter currency:

යුගලයක පළමුවෙන් තිබෙන currency එක base currency ලෙසත් දෙවනුවට තිබෙන currency එක counter currency ලෙසත් තමයි හදුන්වන්නෙ. ඒ අනූව GBPUSD යුගලයෙහි GBP currency එක base currency එක වෙනවා. USD currency එක counter currency එක වෙනවා. ඒ අයුරින් අනෙක් යුගල වලත් base currency සහ counter currency හදුනා ගන්න ඔබට පුළුවන් වෙන්න ඕනෙ.

Sell Orders සහ Buy Orders:

ඊ ලගට ආයෝජකයින් ලෙස අප දැනගත යුතු වැදගත් දෙයක් තිබෙනවා. ඒ තමයි මූල්‍ය යුගලයක තිබෙන currency වලින් තමනට කැමති currency එකක් මිල දී ගන්නත් මිල දී ගත් ඒ currency එක නැවත විකුනන්නත් පුළුවන්. උදාහරණයකට EURUSD currency pair එක ගනිමු. දැන් ආයොජකයෙකුට මෙම pair එකතුල තිබෙන EUR හෝ USD වලින් එකක් හෝ දෙකම හෝ මිල දී ගන්න පුළුවන්. EUR කියන්නෙ base currency එකයි. USD කියන්නෙ counter currency එකයි. Base currency මිල දී ගන්න නම් Buy Order එකක් විවෘත කර ගැනීමෙන් කර ගන්න පුළුවන්. ඒ වගේම counter currency මිල දී ගන්න නම් Sell Order එකක් විවෘත කරගන්න ඕනෙ. විවෘත කර ගන්නා ලද orders profit කල විට එම orders close කරනවා. Close කරනවා කියන්නෙ විකුනනවා කියන එකයි. කාගෙ හරි ඉල්ලුමකට ඒවා විකුනනවා කියන එකයි.

සාරාංශය:

FOREX broker කෙනෙක් හා සම්බන්ද වූ විට ගණුදෙනු කිරීම සදහා එම ආයතනය currency pairs 20 කට ආසන්න ප්‍රමාණයක් ලබා දෙනවා. නමුත් ගණුදෙනු කිරීම සදහා currency pair එකක් හෝ දෙකක් අධ්‍යනය කීරීම සුදුසුයි.

Currency යුගලයේ පළමු currency එක base currency ලෙසත් දෙවන එක counter currency ලෙසත් හදුන්වනවා.

කිසියම් currency pair එකක USD currency එක තිබෙනවා නම් එම යුගලය Major currency pair එකක් ලෙසත් USD currency එක නොමැති යුගලයන් Minor currency pairs ලෙසත් හදුන්වනවා.

Base currency එක මිල දී ගැනීම සදහා Buy Order එකකුත් Counter currency එක මිල දී ගැනීම සදහා Sell order එකකුත් විවෘත කල යුතු වෙනවා. විවෘත කල Orders close කල විට මිල දී ගත් මුදල් විකුනුවා වෙනවා.

අභ්‍යාස:

1. currency pair වශයෙන් තිබෙන්නෙ ඇයි?
2. Major සහ Minor currency යනු මොනවාද?
3. Base currency සහ Counter currency යනු මොනවාද?
4. Buy Order එකක් විවෘත කරනවා යනුවෙන් අදහස් කරන්නෙ කුමක්ද?
5. මිල දී ගත් currency එකක් විකුනන්න අවශ්‍ය වුව හොත් කුමක් කල යුතුද?